Bam duh ka ding, ia u dap billion; ia u khun bad ka tnga jongu, ba hap ka liengsuin

U dap billion jong Romania, ula shu iap ei noh khamakha hynnin ka sngi, haba ka liengsuin jongu, ka la hap bad kem ding ha ka iing ha Milan (kawei na ki nongbah jong ka Italy) bad ha katei ka jingjia, baroh phra ngut ki briew, ki la shu iap ei.

Nalor U Dan Petrescu, (68), ka tnga jongu ruh, ka la iap bad nangta u khun ba marwei jongu ruh, ula iap lang ha katei ka jingjia ba sngewsih, haba ka liengsuin, ka la hap bad kem ding ha San Donato Milanese.

U Petrescu, u dei uwei na ki riew spah tam jong ka Romania bad hynnin ka sngi, ula leit lang bad u khun jongu, U Dan Stefan Petrescu, (30) bad ka tnga jong, ka Regina Petrescu, (65) lem bad ki paralok ba iajan jongu.

Katei ka liengsuin jong U Petrescu, ka dei ban leit sha Sardina, ban leit peit ia ka kmieh jong utei u heh spah, kaba don 98 sem ka rta, hynrei, katei ka jingleit ka kut noh, ha ka jingiap jong utei u dap billion bad baroh ka longiing jongu.

Baroh kiba iap, ki don 8ngut, ba kynthup ia ki paralok jong u heh spah, kiba ia leit lang ha katei kajuh ka liengsuin.