Bam duh ka ding ia ka Trade Fair ha Umsning

Shillong: Mynne mynstep ha ka por kumba 1:00 baje eiei ka ding ka ba klang ka la bam duh ia kawei ka jaka ba la pynlong ka Iew die Mar (Trade Fair) ha Umsning.

Ia kane ka iew die mar (Trade Fair) la plie ha ka sngi balang ha kaba la pyniaid da ka Sengsamla Umsning Proper A, ha ka ba la plie da u Bah A Makdoh, Chairman ka Umsning Town Durbar.

Ha kane ka jingpluh ka trade fair Ka jinglut ha katei ka jingjia ka la kot sha ki lak tyngka ha ka ba ki mar kiba na Thailand bad Bangladesh ki don haryngkat ki tiar iing, ki jaiñ, ki dawai, ki tiar decoration, ki sofa bad ki jingdeng (ornaments) kynthei bad kiwei kiwei.

Ha kane ka jingpluh ka iew die mar trade fair don bok ba ym don kano kano ka jingmynsaw ne ka jingjia ba sngewsih. Ka daw jong katei ka jingpluh ym pat lah ban tip ka jingtohkit ka dang iaid sha khmat.