Virar, Maharashtra: 13 ngut ki nongpang corona, kiba don ha ka ICU, ki la iap ei noh mynta ka step, ha Virar jong ka Maharashtra, kaba don kumba 70 kilometre na Mumbai.
U Dilip Shah, CEO, ka Vijay Vallabh hospital, u iathuh ba ki don 90 ki nongpang ha katei ka hospital, ha ka por jong ka jingjia. La iathuh ba ka jingjia, ka dei ha ka por 3baje mynta dang step phyrngab.
Ka Maharashtra, ka don 67,000ngut kiba ioh pang thymmai, hynnin ka sngi bad kiba don ia ka jingpang khlam ha katei ka jylla, ki la poi sha ka 40lak ngut ha ka jylla.
Uwei u nong kiew lum Mangkashang (Himalaya), ula ioh ia ka jingpang khlam corona virus. U Erlend Ness, uba dei u nongkiew lum uba na Norway, u iathuh ba ula ioh ia katei ka jingpang khlam corona, tangba u shait u khlain ialade.
La kit noh ia U Ness, da ka helicopter na utei u lumbah, ha kaba mynta, u don ha ka jingshah sumar ha ka hospital ha Kathmandu. “Nga ngeit ba kiwei kin nym ioh lem satia ia katei ka jingpang, namar ba kam long kaba suk ban leit shaw da ka helicopter, na ka jingjrong kaba 8hajar metre na ryngkew” ong U Ness.
Phi don ban ong eiei?