“Balei U Rahul, un kwah flying kiss, ia ka tymmen, ba la 50snem, haba don shibun ki thei samla, kiba iapmat ia u” ther ka MLA Congress ia ka Smriti

New Delhi: Ka Smriti Irani, myntri ka sorkar India, ka la khluit tar, halor ka jingkynnoh jongka, ba U Rahul Gandhi, ula dohieid, da kaba pynher lane flying kiss, sha ka liang ba ki shong ki MP kynthei ha Lok Sabbha, hynrei ka MLA jong ka seng Congress, na Bihar, ka don la ka jong ka jubab bad kata ka long “Balei te U Rahul, un leit kwah doh pynher ia ka briew, kaba la 50 snem ka rta, haba ki thei samla dangkhie, ki don kyrhai kiba iapmat ia u” ong ka Neetu Singh, MLA jong katei ka seng, ha ka video, kaba ka la pynmih paidbah.

Ka MLA jong katei ka seng, na Hisua assembly, ha Bihar, ka kam, ba katei, ka dei tang ka buit jong ka BJP ban pynkhlemrain ia U Rahul Gandhi. “U nongialam jongngi U Rahul Gandhi, um duna satia ia ki thei samla. Lada u dei ban ai flying kiss, un ia kitei ki thei samla dangkhie bad balei, ba un leit ai ia katei ka tymmen briew, kaba la 50 snem ka rta, kum ia ka Smriti Irani. Kine ki dei ki jingkynnoh, bym don nongrim satia”, ong ka Neetu Singh.