Ka Hema Malini bad u Dharmendra, ki dei ki shijur, kiba la ieid bad burom, da ki riew ieid phlim hindi jong ka India bad ka pyrthei hi baroh kawei bad kitei ki shijur, ki don ia ka jinghun mynsiem bha, halor ka jing ia poikha, kaba wan, da ka jingiaieid thep mynsiem ba arngut hi. Na ka liang jong ki kmie ki kpa jong ka Hema Malini, ki pyrshah jur, ia ka jing ia poikha jong ka Hema bad U Dhar, namar ba u dei uba la don tnga lypa shawei bad ba ula ia shong shwa bad ka Prakash Kaur, kaba dei ka kmie jong U Sunny Deol bad U Bobby Deol.
Ka Hema, ka iapoikha bad U Dharmendra, ha u snem 1980 bad ki dang ia shong haduh mynta, kaba long la 43 snem kynthih. Hynrei, ha kine ki sngi, U Dharmendra, u leit shong leit sah lang bad ka tnga barim jongu, ka Prakash Kaur bad ha ki khyndiat sngi, ka Hema Malini, ka la kynthoh, da kaba ong “Ym don mano mano ruh ba kwah, ba kan jia kaba kum kane. Hynrei, haba ka jia kumta, phi hap ruh ban pdiang kumba ka long. Lymda kumta, ym don mano mano ruh, ba kwah ba ka jingim, kan long ha kaba kum kane ka dur. Kawei pa kawei ka kynthei, ka kwah, ba kan don ha syndah jong u tnga baieid jongka, ha syndah jong ki khun baieid jongka, kumba long lem kiwei pat ki longiing, hynrei teng teng, ka ju iaid bakla, na kaba ka dei ban long”, ong ka Hema.
Ka Hema, ka pynpaw ruh ia ka jingsngewhun mynsiem jongka, ba ka la don ia arngut ki khun kynthei na U Dharmendra. “Ngam sngewdiaw satia ia kane bad nga sngewhun mynsiem halade hi. Nga don arngut ki khun, nga la ri, nga la sumar bha ia ki. Ho,oid U Dharmendra, u ju leit shatei man ka por bad ha ka jingshisha, u dei ma u, u ban khuslai mynsiem.
Ha ka kot jong ka Hema Malini, kaba ai kyrteng Hema Malini: Beyond The Dream Girl, la thoh ba ka kmie jongka, ka Jaya Chakravathy, ka la pynbor ia ka Hema Malini, ba kan ia poikha bad U Jeetendra, hynrei ka mynsiem jong ka Hema pat ka thrang dik dik, ban ia poikha bad U Dharmendra.
Dang shen, U Dharmendra, ula leit sha ka jing iathoh shongkurim jong u ksew jongu, U Karan Deol bad na katei ka jaka, ba u don, ula thoh ia ka shithi sha ka tnga baieid jongu, ka Hema bad sha ki khun kynthei jongu, ka Esha bad ka Ahana. “Esha, Ahana, Hema bad baroh ki khun ksiew baieid jongnga, U Takhtani bad U Vohra, nga ieid bad niew burom eh iaphi, naduh ka tyllong dohnud jongnga. Ka jingnoh jong ka met jongnga, ka la nang ktah ia ka bor jongnga, wat la ka nga la dei ban iakren markhmat bad phi, hynrei ……
Phi don ban ong eiei?