“Balei tang ki nong Bihar, ki ioh ei dawai covid, kiwei pat ki dei ki nong Bangladesh?”

U myntri rangbah ka Maharashtra, mynta ka sngi, ula ther tyngeh ia ka seng BJP, ha kaba ka la tyrwa ban ai ei ia ka dawai covid 19, tang ia kito kba na Bihar. Halor katei, ula kylli “Hato kiwei pat ki briew, ki dei na Bangladesh lane na Kazakhstan?”.

“Kito kiba kren kumtei, ki dei ban sngew lehrain ialade. Phi don ha ka bor ha ka sorkar pdeng” ula ong shuh shuh.

Katei ka mat ban ai ei dawai Covid, ka dei kawei na ki 11 tylli ki mat elekshon jong ka BJP ha Bihar.

U Uddhav, ula ong shuh shuh ba ki don kiba wan sha Mumbai, ban ioh kamai ja kpoh, hynrei ki pynbudnam pat, da kaba kynnoh, ba ka dei ka Pakistan-occupied Kashmir (PoK).

U Uddhav, ula kynthoh shuh shuh, da kaba ong “Ka Hindutva jongnga, kam dei satia, kum ka hindutva jong U Balasaheb Thackeray. Ki kylli, balei ba ngam plie ia ki temple ha ka Jylla, hynrei nga ong ba ka hindutva jongnga, kam dei ban tied khiew ja lane tied baje”.

U Uddhav, u ong shuh shuh ba haba ia ka doh masi, ki khang ha Maharashtra, kumta balei pat ba kim khang ha ka jylla Goa, kaba la synshar hi da ka BJP?