Balei ngin leit sha India, ngi kham riewspah mangi ban ia ki, ong u heh ka BNP

“Balei ngin leit sha India? Ngi kham riewspah shibun ma ngi ban ia ki (Indian). Ka jing kynnoh ba ki briew jongngi ki leit sha India, kam mih satia haei haei ruh” ong u nonghikai economics barim, U Mirza Fakhrul.

Katei ka dei ka jingkren jong utei u nonghikai, haba ka la don ka jingleit lum lymbung hynnin ka sngi, ha National Press Club ha Dhaka, kum ka jingsngew pyrshah, ba ki 1.9 million ngut ki briew kiba shah kyntait nongshong shnong ha ka India, kin lah ban shah ngiat sha Bangladesh.

Katei ka jing ia lum lymbung, ka dei hadien ka jingkren jong U Himanta Biswa Sarma, uba dei u myntri jong ka sorkar Assam, ha kaba u ong “Ngin iakren ia ka Bangladesh, ba kin shim noh ia la ki jong ki briew”.

“Ngi la kren na ka por sha ka por, ba ki briew jongngi, kim ju leit sha India ban shong shirta bad katei ka dei hadien u snem 1971″ ong utei u nonghikai, uba dei ruh u nongialam ka seng BNP.