Balei la thaw ia ngi?

AIS SUJA

Balei la thaw ia ngi? Why we are created lane balei u Blei u la thaw ia u briew? Ka jingthmu ba na bymjukut jong u Blei haba u la thaw ia ka pyrthei (earth) ka long ban shong briew. U Blei um shym la thaw suda ne thylli ia ka pyrthei khlem da don kano kano ka jingthmu. U ong “Nga la pyllong ia ka khyndew, nga la thaw ruh ia u Briew halor jong ka. Isaiah 45:12. U la thaw ia ka, ban shong briew. Isaiah 45:18.

Mynta ngin phai sha ka kitab Genesis. Ngi iohi ha kaba mynnyngkong ba ka pyrthei ka la long kaba khlem dur bad kaba suda. U Blei u la sdang ban shu hukum ia kiei kiei te ka la long kumta. Genesis 1:3-25. Ia kine kiei kiei kiba u Blei u la pyllong tang da kaba shu hukum.

Hynrei ha u briew pat u Blei u da ong – “To Ngin (In Trinity) ia thaw ia u briew ha ka dur jong ngi katba kum ka jingsyriem jong ngi hi, (And God said, Let us make man in our image). Genesis 1:26. Hangne ngi sngewthuh ba la thaw kyrpang ia u Briew. Ymda kaba shu hukum, bad ym ha ka dur u mrad, hynrei la thaw kyrpang ha ka dur ka jingiasyriem bad u Blei, kaba mut ki Lai ha u wei u Blei ki la mynjur (compromised) ban thaw ia u briew ha ka jingiasyriem jong u Blei. Kaei kata ka jingiasyriem u Briew ia u Blei? Dei namar ba u Blei u dei u Mynsiem (God is spirit). Ioanis 4:24. Kumta la thaw ruh ia u Briew uba long kynja mynsiem uba ia syriem bad u Blei. kumta ia u briew ba kynja mynsiem, ngi ong – u briew mynsiem (ymdei mynsiem briew), uwei pat dei u briew khyndew namar la thaw na ka dew met ka khyndew (God formed man of the dust of the ground).

U Blei u la thaw shwa ia ka met (Body) na ka dewmet ka khyndew (dust of the ground), hadien kata u la pyrsad ha ki thliew khmut u briew ia ka jingpyrsad ka jingim, te uta u briew u la long ka mynsiem kaba im. The Lord God formed man of the dust of the ground and breathed into his nostrils the breath of life, AND MAN BECAME A LIVING SOULS. Genesis 2:7. Uta u briew u la long ka mynsiem (soul) kaba im. Genesis 2:7. Ka jingpyrsad u Blei ha ki thliew khmut (nostrils) jong u briew, kamut ba u Blei u pyrsad ia ka jingpyrsad ka jingim kaba na u Blei (spirit). Kane kadei ka mynsiem kaba mih na u Blei khnang ba u briew un im bad un ioh tip ba u dei na u Blei.

Ka mynsiem (spirit) ka long kaba maian kaba u Blei u buh ha u briew. Ka mynsiem spirit ka don ka jing ia jan bad u Blei bad kamlah ruh ban iap, la u briew u hap ban leit sha bneng ne sha dujok. Nakata ka daw ka long ba une u Mynsiem (spirit) u long uba na u Blei. La thaw kyrpang (special) ia u briew ha ka met (body) ha ka mynsiem (soul) bad ha ka mynsiem ba im (Spirit).
Kane ka mynsiem (spirit) kaba don ha u Briew, namar kata ka long kaba maian, bad dei lyngba kane ba u briew u lah ban jied ia kaba bha ne kaba sniew, ia ka pop ne ka hok. Lyngba da kane ba u briew u lah ban jan sha u Blei bad ban mane ia u Blei ha ka mynsiem bad kaba shisha. Ioanis 4:24. Dei lyngba da kane ka mynsiem (spirit) ba u Blei u pyndonkam ha u Briew ba u lah ban pdiang ia u Mynsiem Bakhuid (Holy Spirit).

Kumta u Blei u la thaw khnang ia u briew bad kyrpang, khnang ba u briew un ioh ban mane (worship) ia u, ban pynkhraw ia ka kyrteng U Blei, ban iaroh ia u Blei kum u Nongthaw bad u Nongpyllong ia kiei kiei. Lada u briew u leh ia ka pop ia kaba sniew, kamut ba u pynkhraw ia u soitan, te kamdon jingmut ia uta u briew ban don ha kane ka pyrthei kamut ba u briew un iaroh un mane un pynkhraw ia ka kyrteng u Blei Jehovah. Lymkumta, u briew umpher na u mrad. Lada u briew u wad tang ia kiei kiei kiba ha kamet, kata umpher na u mrad, ong u Blei. Ha ka kitab Salm U David, u Blei u ong – “To sngap bad to tip ba nga long u Blei ma nga: yn kyntiew ia nga hapdeng ki jaid bynriew, yn pynkyntiew ianga ha ka khyndew. U Trai ki paid u don bad ngi, u Blei u Jakob u long ka jaka rieh jong ngi. Salm 46:10.

Namar kata u Blei u dei ban ioh jingiaroh halor ki blei ka pyrthei baroh. To ka khyndew baroh kan sheptieng ia u Trai: to ai ba kita baroh kiba shong ha ka pyrthei kin sngewtriem ia u. Naba u la kren te ka la long, u la hukum, te ka la neh skhem. Salm 33:8-9. Amen.