Balei ianga?

Khana babteng

I Niakha ka Rida I la shu sngap shiphang bad bteng ban ong pat

“Khia te la kham khia hi… To ieh ngan iarap noh na nga ban siew bai klas mynta u snem..” Ka la phai sha ka Rida

Ka Rida ruh ka shu peit sha la ka Kmie kumno kan ong. Ar tylli ki jingsngew ki la ialeh ha ka mynsiem I Kong Maya la yn pdiang ne yn kyrngah.

“Ka biang ong Nia ngan leh tang kumta…?” La twad jingmut I Niakha namar I sngew ioh lehse ka dang duna eh.

Hangta I Kong Maya Kmie ka Rida phai sha I Niakha ka Rida

“Nga lei ngan ong kumno Niakha,kat kaba phi sngew synei lem nga la sngew nguh eh…” La pynpaw I Kmie ka Rida

I Niakha ka Rida namar ba ka long ka briew Ka ba dap da ka jingsngew lem kam pat sngew hun ia kaei kaba ka la kular hynrei ka dang bteng biang

“To ih Nia na ka bynta ka Rida ngan lut ma nga baroh mynta ka snem banyngkong mo…” Ka la ong

“Niakha ioh phi la khia than sa phi pat..?” La phai ktien I Kmie ka Rida

“Em ym leilei Nia namar ba nga sngew ieid palat ia I Bah bad ia phi baroh…Ka Rida dei ka Khun kha banyngkong jong ngi.. Ngi sngew kit ram iaka namar I Bah iba dei ban peit iaka bapli im don shuh..” La jubab I Niakha

Ka Rida haba ioh sngew ia kine ki ktien ka Nia kha ka la shu iam la ka iam hi ” wow Pa balei kein phi iehnoh ianga shano kein phi don…phim iohi seh ianga bad I Mei bad I Niakha hangne phim kren seh mo iangi…!” Ka la iam jam

“Yn wat iam Khun wat iam … I Niakha I don hangne wat khuslai..” La pyntngen I Niakha

Kumjuh I Kmie jong ka ruh ka la pyntngen noh ia la ka Khun…

La pynkut ktien ban shaniah ha ka Rida ba kan leit shim phom hi bad la ki paralok na Synod Kolej ha ka sngi ba bud. Ka por ka la iaid bad miet kumta I Niakha I khreh ban mih noh nangta.

Ha ka sngi ka babud ka Rida ka la leit sha Synod Kolej bad la ka paralok na Mawkhar ban leit shim phom. Hadien ba la ioh ia kita ki kot ki sla ba donkam bran ka leit sha iew bad ynda ka la poi ha iew ka Kmie jong ka, ka la phah ba kan leit mih sha iing ka Nia kha ha Mawlai Mawroh. Kumta hi ka Rida ka la iawer ia la ka paralok ban synran lem. Ita I paralok jong ka ruh da ka ba kmen I la synran lem iaka. Haba la poi ha iing I Niakha hadien ba ki la shong shiphang ar phang ki la ia dihsha shuwa nangta I Niakha I la sdang ban pyndap ia kiba don kam baroh ha kata ka phom bad ruh I ai sa ia ka Pisa ban leit siew noh

“Sa leit noh lashai hi Khun ban leit siew… Khnang ba phin tikna ban ioh hangto mo… Shim kane ka pisa, da rah bha..” La bthah I Niakha

“Kato ka Pisa ka dei na bynta baroh shi snem.. Ia ka bai kot sa shim mo khun..” La ong biang I Niakha. [yn dang bteng]