By SKN
“Baroh kiba pyndonkam ha kane ka khana, la ka long ki kyrteng briew, ki jaka, ka por bad kiwei ka dei tang ka jingring fur u Nongthoh. Lada jia ba ka iatyngkhuh bad no bad no wat sngew eiei”
Lynnong - 1 “Rida ale hangne khun…” La khot u Bah Jop u kpa jong ka
Ka Rida ka la wan ieng ha khmat u kpa uba dang shongkai marwei ha Baranda.
“Balei Papa…?” La kylli ka khun
“Mynta phin skul…?” La kylli u Kpa
“Hooid Papa…” La jubab ka khun
“Phi mut ban ong kumno Papa…?” La buh jinhkylli biang ka Rida
“Em nga mut ban ong ba lada phi long phin pep skul noh mynta ka sngi ban iarap kam lang bad nga sha Dukan..” La pyn sngew u Kpa
Ka Rida ka la pyrkhat shiphang bad ka la kylli pat
“Bunkam eh ne Papa..?”
“Hooid kein namar ngan hab mih shiteng sngi ba don ki ban wan donkam bad nga te Khun..” La iathuh u Kpa
“To ka long hi… Ngan pep …” La jubab ka Rida
Ka Rida ka iathuh ha la ka Kmie ba kan ym leit skul namar kan hab leit dukan.
“Kam leilei khun …? Kumno u Kpa jongphi um hun imat ban ih tang ianga mo…” La pynpaw I Kmie ka Rida
“Hooid tharai ioh lehse I pyrkhat ba phi khia than…” La phai ktien ka Rida
Hamar kata ka por u Kpa ka Rida u wan rung hapoh iing.
“Kmie lah long ban bamja noh…?” U la kylli
“Ap Kpa shiphang la jan long artat hi..” La phai ktien I Kmie ka Rida
U Bah Jop u shong lypa noh ha kamra shetja ban ap ia ka bam ba la nang pynkhreh I Kmie ka Rida.
“I Rida in leit shong dukan bad ngi mo…?” La leh mynkylli I Kmie Rida
“,Hooid namar nga tang shiteng sngi nga la mih na dukan… Ta ka daw nga pyrkhat ba phin kham suk kein nga la ong ia I Rida ban pep skul noh mynta ka sngi..” La jubab u Kpa ka Rida
“Ka biang hi Kpa ba in kham iohi ruh namar mynta lei ba I la da klas Ten te, I la dei hi ban tip..” La mynjur lem I Kmie Rida
Kumta haba la ih ka jyntah I Kmie ka Rida I la nang ai bam noh ia u Kpa ka Rida khnang ba un ioh leit plie dukan ha ka por ba biang .
“Nang bam noh phi Kpa ba phin nang ioh leit plie ngin sa wan pat ngi kham shiphang ..” La ai jingmut I Kmie
Kumta u Bah Jop u la nang bam marwei ban ioh nang leit plie dukan noh. Hadien ba la dep bam dep dih, I Kmie ka Rida I la pynsong sa ka bam sngi jong u kumjuh ia u kwai ba la khreh lypa na ka bynta jong u. Kumta hi hadien ba la biang kiei kiei, u shim ia ka pla bad u mih noh artat na iing.
“Sa da wan kham kloi ho Kmie..” U la bthah
“To Kpa ym slem ngi ruh ngin wan noh hi…” La jubab ka Kmie
Hadien ba la mih u Kpa ki ruh tang shiphang ki sa ia bamja noh baroh arngut.
“Rida phi khun da leh tip sngi bha peit namar kiei kiei kiba ngi leh bad trei ki dei na ka bynta ka jingbha jong phi … Nga ngeit phi la iohi hi haduh katno u Kpa jongphi u la trei shitom ban pynkhreh bad pyndap pynbiang na ka bynta jong ngi…” La pynpaw ka Kmie katba dang ia bamja
“Hooid Mei, nga la iohi bad nga la sngewthuh .. Ne phi iohi kaei ba nga leh dakaid… Peit mynta ruh marsien ong I Papa ban pep skul nga shu kohnguh beit..” La phai ktien ka Rida
“Em khun nga shu ong lypa… Ba phin iai kynmaw kein..” La bynrap ktien biang ka Kmie
Kumta hadien ba la dep bam dep dih, ka baje ruh ka la kdew ba la don 11 baje, bran ki ia mih na iing ban leit noh sha Dukan u Kpa kaba don ha Iewduh.
Ka Rida ka la nang kit ia ka pla bad ka Kmie jong ka , ka la iaid thylli lait noh tang ka shatri ba ka kup namar ba thang palat ka sngi. Ha shiteng lynti ka Rida ka iohi ia la u Babu uba dang iaid mar pyrshah bad ka, hynrei ka ialeh kat lah kat iai ban buh rieh na ka khmat jong u.
Ynda la lait ka khmat u Babu ka sa iathuh ha la ka Kmie
” Mei la jan iohi I Babu ianga… Don bok ba I khlem peit sha kane ka liang.. ”
“Sa leh aiu khun la u iohi makna ong beit ba ia donkam ha iing kein.. Lada u kylli ruh..” La phai ktien ka Kmie
” Tip seh, shu sngew biej hi kein… Wei haba ym leit skul..” La said da ka Rida
Haba la poi ha Dukan marsien rung u Kpa ka Rida u la kren khnium
“Balei phi ia slem..”
“Ngi la slem seh Kpa…” La phai ktien ka Kmie
“Hooid kein u to u para lok u la wan ap bapli..” U la jubab
“Tip seh ba phi ong shiteng sngi te mo..” La phai ktien biang i Kmie Rida
“To nang ia shong nga la mih ho… Sa peit bha lang bad i Mei mo khun..” U mih bad bthah artat ia ka khun ruh
“To Papa…” La phai ktien ka Khun
Phi don ban ong eiei?