BALEI IA NGA

S.K.N

[ba bteng]ka la suba sniew ia ka bad u Panah. Ka la diaw mynsiem baroh shi sngi.
Mynmiet haba la wan u Panah, marsien rung u la khot
“Rida, shano phi don..”
“Shane ..ap nga dang khylliap jain..” Ka la ong
“To sa wan shet sha… ” u la ong
Ynda haba ka Rida ka la wan u ithuh ba ka mat sngewsih kumta hi u kylli
“Balei phi i leh diaw…?”

“Em ym lei lei… ” la ong ka Rida
“Sa iathuh ia nga ho.. Kaei ka jingeh.. La shoh i Mei ne..?” U kylli pat
“Em ” la jubab ka Rida
Ynda la ih ka sha u sei ki jingbam na ka pla plastik ba u rah bad shi nat ka kait kaji. U ai ia kita ki jingbam ha kti ka Rida. I Kmie ka Rida i la shu peit tang ka khmat. Hynrei im nud pat ban ong ei ei namar tang shu kren khlem pep i tip ba la hab iania biang.

U Panah u la thmu lypa ha la dohnud ban ia shong noh bad ka Rida ha kata ka miet… U la ia leh katba lah ban pynieid bad pynbiej ia ka.
U Panah uba la thmu lypa ia kane ka kam u la pisa u la lynga marwei marwei katba nang iaid ka por jong kata ka miet. Ka Kmie ka Rida namar ba kam pat lip ka jingdom ia ka jingleh bym khein snep jong u lok ia ka wat ban kren ruh kam kren shuh ia u. Hadien ba la dep la ka bam ka dih ka leit thiah noh hi marwei sur sha la kamra. Ka Rida pat kaba hab ban kitkhlieh ha ka khlieng ban sait ka la dang bunkam ban pyndep shuwa ia kita ki kam. U Panah ruh la nang syaid ding marwei harud dpei khui katba ka Rida ka nang trei nang beng. Haba dei ba dei u sei ki ktien pyn byrngia bad ka Rida ruh ka la nang ia pur khana lang bad u, shaphang kane katai haduh ban da dep kita ki kam.

Hadien ba ka Rida ka la dep baroh, kata ka kam khlieng kam sait, ka la wan syaid kti syaid kjat lang haba u don u Panah. Da ka jingwan tur jong ka kumta u Panah u la phah pynsong kwai ba un bam. Ka Rida ruh ha ka jingshisur shidur la ka mynsiem ka kohnguh hi ban leh ia kita ki kam ba u bthah u Panah. Ka miet ka la nang jylliew, ka por ka la mareh stet sha ka khatwei baje. Ka pyrthei ka la kynjah jar namar kiwei ki la ia thiah lut, wat ka Kmie jong ka Rida ruh ka la iap iohthiah lyngngai. Hangta haba la iohi ba la miet than ka Rida ka la shu ong la ka ong hi..
” Pa ani lah da miet bha.. Lah dei ka por thiah..”

“Katno baje mynta…?” Leh myn kylli u Panah
“Khat wei baje… Phi ong dang shai ne..!” La phai ktien sa ka Rida
“O lah da katta seh..?” La leh myn kyndit sa u Panah
“Hooid, nga te ngan leit thiah noh …” La ong ka Rida bad ka ieng artat na jaka shong.
“To khie ngan sa wan ma nga…” la ong u Panah

Ka Rida ka leit wut sha la kamra thiah ban thiah noh. Hangta u Panah u la nang shong marwei. Hadien kumba katto katne por u Panah u la sngew dei ban shim kabu noh ia kaei kaba u la thmu. U la ieng nangta u leit peit siar sor ia la ka lok. U iohi ba ka la iohthiah lyngngai. Hangta u sngew ba ka dei ka por ba biang eh ia u. Ka jingpynshoi bajur ka la nang rung hapoh ka mynsiem u Panah, kumta u kut jingmut jia katba jia ban leit bsut hapoh la ka khun ruid. Kumta u leit beit beit sha kamra ba ka thiah.
“Rida..” U pasiaw

Thret ka Rida ka kyndit kum ba iuh tdong bsein..
“Balei phi leh kumne..?” La ong ka Rida
“Em wat khuslai nga ieid te ia phi …” U la ong biang
“Wat leh seh kumne… Wat leh seh kumne” ka Rida ka la iai kyrpad bunsien da kine ki ktien; hynrei kam nud pat ban hylla briew.
Hynrei na ka liang u Panah um pynsngew satia ia kita ki ktien jong ka.. Um mab u thom da ka bor ia ka long rynieng jong ka ban pynhun la ka met bad ban pyndep ia kaei kaba u la thmu lypa.
Ka Rida bapli watla ka pyrshang ban iaksaid hynrei kam lah satia, u Panah u la jop ia ka. Kata ka miet ka la kylla long ka miet jong ka jingdum bashisha ha ka jingim ka Rida. Ka Rida ka la iam pait dohnud marwei.. [yn dang bteng]