Bah RM Shabong
Ka India, ka don ha kine ki sngi, ha ka kutlad kaba jur tasam bad kata ka long, na ka jing khang shnong na ka daw jong ka jingpang coronavirus bad la iohi ia bun bah u paidlang ka ri hi baroh kawei, uba iaid pisa mynsiem, sharum shaneng bad uba ia krih na kawei ka shnong sha kawei pat bad ka daw ka long namar ka jingthngan bad ka jing bym don pisa ha kti.
La iohi ruh ba bun kiba pynkhein ia ka korphiw, ia ka pakhang shnong ha ka nongbah Shillong bad kumjuh ha kiwei de ki bynta jong ka Ri India; hynrei ha kajuh ka por, ngi hap ban kynmaw, ba kine kiba pynkhein, kim kut ban kawang maw iano iano, ban kawang petrol bom shano shano bad kane ka pakhang shnong lane ka korphiw, ka dei namarkata kaba pher tam na baroh ki jingjia bad kata ka long ba uba ia phet pisa lyngba, u dei uba leit wad bam, uba leit wad pisa bad uba leit sha la iing.
Hynrei ha kaba kum kane ka por, ka long kaba i sangsot ba ki bor pulit kiba dei ban ieng bad ban pahara, ha kaba wan rah ia ka shongsuk shongsain, ka jingteh kyndon ia ka korphiw ne ka pakhang shnong, ba ki leh da ka jubor justi ia kine kiba pynkhein ia ki kyndon korphiw bad la iohi, ba ki pyn kynthih jakoid, nangta ba ki don ha kiwei ki jylla, ba ki shoh ki bom, haduh ba ki don kiba iap bad sa bun bah, kiba la mynsaw, na katei ka kam thombor.
Katei ka jingleh, ka dei ka bym lah satia ban pdiang hangno hangno ruh bad ki bor sorkar, ki dei ban pynshitom bad ban set phatok ia kitei ki riew jrong kti, ia kitei ki duk ki raitoi, kiba hap ban pynkhein ia ki kyndon, namar ba ki leit wad bam bad ki leit wad pisa bad ki leit wad ia la ka jong ka iing ka sem.
Ka jing bakla kaba jur hi hangne, ka dei namar ka jing bym shym la pynkhreh lypa ki bor sorkar, na ka bynta ban iakhun ia kane ka jingpang khlam kaba triem shi katdei bad kaba sngewsih, ka long ba la pynbna kyrkieh ia ka pakhang shnong bad nangta, ba ym shym la ailad ia ki briew ba kin pynbiang ia ka bam ka dih, ia ka pisa ha met bad nangta ba kin leit phai sha la iing la sem.
Ngi sngewthuh hangne ruh, ba ka sorkar ka don la ka jong ka daw ban pynjari kyrkieh ia kitei ki kyndon ba eh, hynrei, lada ka long ha kano kano ka dur, ka jing pyn jynsur ka dei ban don ia ki paidbah, ba kin ioh ia ka bam ka dih kaba biang bad kiba bun ki jing donkam.
Kaba dei bah..haba pyrkhat lem ma phi ki don ki briew jong ka ain kiba shim kabu palat..wat sha duh tangmang,nongshken,ki hiar bad da ki lap ba ki briew ki iaid ha surok ki wan na ki lum ki bri jong ki.Ki dukan shnong ruh ki phah khang watla ka DC ka la pyllait ha ki ar sngi na ka bynta ki paidbah ban thied ki mar ki mata jong ki ha ki sor bad khap sor..hynrei balei ki briew ka ain ki leh donbor kumne ha nongkyndong.haba ka jing pynjari da ka korphiw ka jingmut ka long ba ha ki jaka sor ka long ban lait na ka jing ia lum briew ban maintain ia ka distancing..hynrei ha ki thain war baroh hi nga ioh jingtip ba ki paidbah hana wat kiba trei kynroh ha la ing la sem da ki lap ki pulit ki pynsangeh ia ka kam jong ki ba kin shong hapoh ing..
Kadei bah kaba phi ong ma phi,,wat tang ban leit sha la shnong ruh kim shah re kito ki khun ksew ba shu ak kum ki khun briew,,nga te nga isih shisha ia ka jingleh donbor palat jong ki,,,kum ia kito dei ban pynduh kam syndon ba kin sngewthuh ba haduh katno ka ktah ia ki bapli ki bymdon kam don jam ka ba biang,ki ia ong hana ka pakhang shnong ban ioh im pynban ka pakhang shnong ban iap ym ban im.myn hynnin nga wan na jowai ban leit sha la shnong te hangta don ka kali ba mut ban leit shim dawai ki pulit ka raliang police station kim shah ia ki ba kin leit ki phah return pynban ia ki bapli kjlem ioh leit shim dawai,,dei ha kane ka rukom leh jongki ki pyniap ia la ki khun kari.bad ia nga ruh ki ppah iengshong haduh 30 sien.nga te ngan ym klet ia kane ka jingleh jong phi,shisien ka sngi phi ruh phin ia ioh lang hi kumba phi leh ia ngi…..
Khublei shibun