Shillong: U Bah Paul Lyngdoh, myntri jong ka sorkar jylla, u ba bat ruh ia ka tnat Tourism, u la pynshai mynta ka sngi, hadien ka jingmih jong ki jingbuh jingkylli kiba bun balang, haba iadei bad ka jing jah jong u ha kine ki khyndiat sngi ba la dep ban kren shaphang ka bhah thungkam thungjam.
Kumta ha ka sngi nyngkong, haba iakren bad ki lad pathai khubor, na ka liang jong u bah Paul Lyngdoh, u la pynshai ba kum u myntri jong ka sorkar jylla ka lah mo ban long, ba hadien ba la dep ban mynjur ia ka jingiakynduh ia ki briew ne ki nongialam na kiwei pat ki ri, ban pynkynriah noh ia ki prokram bad iathuh ia ki, ba ki don ki seng saiñ pyrthei kiba shah thngan ha nongbah Shillong bad u hap ban leit phainoh.
Hato kita ki briew ki dang treh ne em ban iakren kam bad ka kynhun jong u, hadien kata ka jing pynkriah ia ka jingiakynduh.
Haba iadei pat bad kawei ka dur video kaba dei ruh kawei na ka jingkren jong u ha ki snem mynshwa haba iadei bad ka reservation policy, ha kaba u la ong ruh ba kane hi ka la pynpaw shai kdar ba u bah Paul Lyngdoh, u la dep ban kren ia ka reservation policy naduh ki 20 snem mynshwa.
U bah Paul Lyngdoh, u la buh jingkylli “Hato ki video kiba la kren da u bah Ardent Basaiawmoit ki don ne em, namar ha kato ka por u ruh u la dei u wei na ki nongialam sengbhalang?”.
Haba iadei bad katei na ka liang, jong u bah Paul Lyngdoh, u la ong ba ha katei ka jingshah thngan, kim shem la beiñ la thnum satia bad ka long ruh kaba shitom bha ia U bah Ardent, ba un kren ia ka reservation policy ha katei ka por, namar u dei u president jong ka Federation of Khasi Jaintia & Garo People (FKJGP).
U bah Paul Lyngdoh, u la ong ruh ba ka jingbymlah ka jong u ban don bynta ha kitei ki jingiakhih, ka long ba kumba ki paidbah ki la jied ia u kum u nongmihkhmat un sa pyndep ia ka kamram hapoh ka kynhun myntri.
U bah Lyngdoh u la iathuh ruh, ba ha shwa ba un mih na nongbah Shillong, ka la don ka jingialang jong ka kynhun myntri ha kaba u la kren ia kaei kaba u dei ban kren.
U MLA jong ka West Shillong constituency, u la ong ruh ba um tip balei ba donkam ban pynkhihwin ia u paidbah tang hapoh lai bnai ba la thaw ia ka sorkar, katba ia u Dr Mukul Sangma pat la ailad phra snem lynter, khlem da pynkhih ia kane ka mat, balei kane ka mat ka mih mynta tang hapoh lai bnai ba la thaw ia ka sorkar MDA-II?.
Ki paidbah ki la dep ban jied ia ki nongmihkhmat bad don ki paidbah ba tang ka sia kam pat khuid, la wan tan biang ban mih na dukan, na ki kali ba phi ñiah ban ia leit sha Secretariat ban ia shong shah thgan bad lada ka long kumta ym don jingmut ban jied nongmihkhmat.
Haba jied nongmihkhmat ka dei ka kamram jong uto u nongmihkhmat ban ia said ia ki kam ki jam, khnang ba ngin lah ban pyndep ia ki kam ki jam bad ka khaïi ka pateng, ong shuh U bah Paul.
Yn nai wohkjat rea phi bah namar baroh u briew ba duna
Lada Me sgew ialade ba Me dei u ba biang balei mem leh mem kren Mame
ka sorkar MDA ka lah iaid 5 snem 3 bnai mynta. Wat kren pynklet bieij ia u paidbah mynta ho lih !