Bakla spel dak ia ka Khliehriat

Jowai, 16 Rymphang:
Ka KSU – JHDU kala ai por ia u Manager jong ka United Bank of India kaba don ha Khieh riat ban pynbeit ia ka jingspel dak kaba la thoh ha ka signboard bad ha baroh ki kot ki sla kiba katei ka bank ka la leh baroh baroh shi katta da kaba spel dak bakla ia ka Khliehriat sha ka Khliehriahat.
Ka KSU-JHDU ka la lap ia kane bad ka la leit ia kynduh ia u Manager katei ka Bank ha ryngkat ka jingthoh ban dawa ba udei ban pynbeit ia kane hapoh shibnai lym kumta ka seng ka hap ban shim da kawei pat ka lynti katkum ka ain. Ki bun bah ki kyrteng jaka kiba la pynbakla ha ka rukom spel dak, ha Ladrymbai don kiba thoh khamtam ha ki dukan bar jylla, hotel ha ka jaka Ladrymbai la thoh Ladtumbai, ha ka jaka Khliehriat la thoh Khilari lane Khliehriahat bad kumta ter ter. Kane ka jingthoh spel dak ba bakla ka la pynkulmar ia ngi bad ia ki briew kiba nabar la ong ka KSU.