Bakla, 26tarik ha Bijou Cinema

Shillong:Ka pali ha Bijou Cinema kaba don ha Khyndailad, Shillong kan leit sha ka phlim ba shutia bha kaba la tip kum ka ‘BAKLA’ ka ban sdang naduh ka 26 tarik Rymphang.

Katei ka phlim Khasi ka la ioh iuhkjat ha katei kajuh ka hall cinema ha u Nohprah, 2017, lai snem mynshwa bad mynta kan dei ka sien kaba ar ban pyni ia ka, la iathuh u Bah Biscorious Wahlang, u Producer bad la pyniaid da ka Kyntiew Production bad ka Hope Studio Creation.

Ia katei ka phlim kaba shutia naduh kaba sdang haduh kaba kut la ring dur ia ka katkum ka khana shaphang u Ryan bad ka Abby, kaba dei na ka jingbakla ka la pynpoi ia ki shaduh ka jingiaieid shirta syndon.
Ia katei ka phlim ‘Bakla’ la shim bynta da u Bah Rudolf Mawlong kum u Ryan uba dei u Tyngshop khmat bad uba la paw bha ha ki phlim Khasi, nangta ka Samla Nakilawanda Warjri kum ka Abby ka Puron khmat ba la paw mynta, u Bah Khambor Nongneng kum u Chris uba long u Tyngshop Bynrap bad ka Mediora L Umlong kum ka Molly ka Puron Bynrap bad la pynmih ia ka da u Bah Biscorious Wahlang bad la thaw da u Bah Ban Lymba.

Ka jingbakla ioh number phone u Tyngshop khmat (Ryan) kaba u Tyngshop bynrap u la bakla ai ha u, ha kaba u Ryan u kwah ban don ka jingiadei ha ka jingieid bad ka Molly, hynrei ka jingbakla number ka poi sha kawei pat ka samla, kata sha ka Abby kaba um pat ithuh, la pynlong ia katei ka phlim baroh kawei ban shutia bad ktik ruh ia kiba bun ban sakhi hi ia ka.
Katei ka phlim kan pyni ha Bijou Cinema hall, Khyndailad, Shillong naduh ka 26 tarik Rymphang ha ka por 11:30 baje mynstep, 2:00 baje nohphai sngi, 5:00 baje janmiet.