“Bah Shylla, mih noh mynta hi ka sngi na UDP”

Shillong, 23 Jylliew:
U Bah HS Shylla, MDC jong ka Nongkrem Constituency, ula phah mynta ka sngi ia ka shithi sha U Bah Jemino Mawthoh General Secretery, ka seng UDP bad ha katei ka shithi, ula bsuh lang ia ka rai jong ki nongkyrshan jongu, kaba la long mynta ka sngi.
Katei ka rai jong ka Sub-Committee jong ki Nongkyrshan jong U Bah H.S.Shylla, MDC, kaba la long ha ka 6tarik Jylliew 2017 ha ka kaba U Bah Hilarius Warbah, u la long u Chairman bad U Bah Esmond Kharkongor, u la long u Secretary bad 14 ngut ki Rangbah kum ki dkhot jong ka, ka la shong jingialang mynta ka step bad da kawei ka jingmut ki la pynpaw ia ka jingkwah jong ki ba U Bah HS Shylla, MDC un ialeh ia ka elekshon MLA 2018 da ka seng thymmai ka Peoples Democratic Front (PDF).
Ka Sub-Committee ka la shim ia ka rai ba U Bah HS Shylla, MDC u dei ban phah noh mynta hi ka sngi ia ka shithi kaba weng ia ka jinglong dkhot ha ka United Democratic Party (UDP), kumta ba un lah ban long u dkhot jong ka Peoples Democratic Forum bad ruh ban pyniasoh bad ka Peoples Democratic Front ryngkat bad baroh ki MDC/MLA ki ban sa pyniasoh ia lade ha ka PDF (Front) na ka bynta ban pynlah ia ki nongkyrshan jong U Bah HS Shylla, MDC ban pynkhlain ia ka PDF ha man la ki shnong jong ka Nongkrem LA Constituency.