Shillong: Ka EC hapoh ka jingialam u bah Teinwell Dkhar, ka la khyllem ha ka jing ia thep vote, ha kaba kiba pyrshah ki ioh da 15 vote, katba kiba kyrshan ki ioh da 14 vote.
Ka jingthep vote ka long ba hadien ka jingiatai kaba baroh shi step ka ba la sdang naduh mynta mynstep.
Ha ka jing iavote ki liang pyrshah bad ka liang synshar ki la ioh mar 14 vote, hynrei lyngba ka jing thep vote u Chairman ka KHADC u bah PN Syiem u la vote ha ka liang pyrshah bad ki la pynkhyllem ia ka EC.
Ka liang pyrshah jong ki MDC ka seng Congress ha KHADC mynnin ka sngi ka la wan rah ia ka jing bym shaniah ha kane ka Dorbar tlang ia ka EC kaba la ialam da u bah Teinwell Dkhar.
Na ka liang u CEM u bah Teinwell Dkhar ha ka por ba pynshai ha kane ka dorbar tlang u la iathuh ba u paidbah baroh ki la iaroh ia ka rukom trei kam jong ka EC ba mynta bad ka jingshaniah ka jong u hi ia ki dkhot ka EC ka ba u ka ai ka bor ba yn trei ia ki MDC ba kin trei kat kum ka jingstad jong ki hi.
Ha lor ka jingkynnoh ba ka EC kam shem la shim ia kano kano ka lynti ban pynpaw ia ka jingthmu ka SorkarPdeng ban wanrah ia ka CAB, na ka liang u nongialam ka EC u la pynpaw ia ka jinglynngoh ba mynnin ka sngi baroh ki la ai ia ka jingmynjur lang ban phah ia ka jingpyrshah ia ka CAB sha u President ka Ri, hynrei mynta pat ki kynnoh ba ki khlem leh eiei shaphang ka CAB.
Halor ka jingkynnoh ba ka don ka jingweng kam ia ki Casual, na ka liang u CEM u la iathuh ba ki weng ia ki nongtrei Casual ka long namar ba ki don ki Casual tang ha ki register, katba ha ophis pat kim ju wan kane ka dei tang ka jingpynlut phut ia ka pisa ka Council dei na kane ba ki la weng ia ki nongtrei Casual ha KHADC.
Halor ka jingkynnoh ba ka EC ka khlem lah ban pynrung haduh mynta ruh ia ka Ktien khasi ha ka 8 schedule na ka liang u Symbud CEM u bah Pyniaidsing Syiem u la iathuh ba kane ka phang na ka liang ka Sorkar Jylla ki ladep ban ia kren ha ka Sorkar pdeng bad ki hap ban ap ia ka ba bha.
Halor ka jing kynnoh ba ki don ki jingtrei thurmur bad ka jingwan tuklar jong ki riew paidbah ha KHADC, u bah Pyniaidsing u la pynpaw ia ka jingsngew lyngngoh ba mynnin ka sngi na ka liang pyrshah ki liia ai ia ka jingkhublei ia ka jingtrei ka ba bha na ka liang ka tnad Elaka hynrei mynta ki la kynnoh ba ki leh thurmur,bad u la ong ruh ba ym don ki ba wan ban tuklar lait noh tang ki briew jong ki tnat sorkar.
Halor ka jingkynnoh ia ka Monolith Festival ba ka jing bym pynlong shuh ha ka Hima Mawphlang na ka liang u bah Pyniaid u la iathuh ba ka Khasi Heritage ka don ka jingiateh soskular ka ba la iateh bad ka Hima Mawphlang, hynrei na ka bynta ka Monolith Festival ki khlem iateh soskular eiei ha ka ba ka shong ha ka Council ba ka lah ban pynlong ha eiei ruh.
Halor ka jingkynnoh ia ka jingleit khah khah jong ki MDC sha Delhi u bah Pyniaidsing Syiem u la pynpaw ba mynnin ka sngi, na ka liang pyrshah ki ju kylli ba hato ki dkhot ka EC ki ju leit buddien ne em ia ki bill, hynrei mynta pat ki kynnoh ia ka jingleit poi Delhi khah khah ka jingpoi ka pisa sha ka Council ka dei kata ka daw ba ngi hap ban leit sha Delhi.
Na ka liang u EM incharge ka trade u bah Paul Lyngdoh haba pynshai ia ka jingkynnoh ba na ka liang ka rukom ai trading laisen ka la pynjynjar palat haduh ba ka la poi haduh ki shkor jong u Prime Minister ka Ri, u bah Paul u la ong ba ka EC mynta ka trei kam dei na kata ka daw ba ka la pynkhih win ia ki bar jylla, ki ba kwah ban wan khaii ha ka jylla jong ngi bad ki bar jylla ki la sngewthuh ia ka jingdon ka Council.
U la ong ruh ruh ba lada ki lah ban pyndonkam hok ia kane ka ain ba la don lypa ka jylla jong ngi, kan ym long kumne kum ba long mynta, hynrei mynta na ka liang EC mynta ki pyntrei kam ia ka ba donkam eh ban wan rah ia ka jingbha ia ki jait bynriew.
U la bynrap ruh ba lyngba kane ka jingpynmih hukum jong ka Council ban ki no ki no ki ba wan leh kam khaii kin hap donkam ia ka trading laisen ki bun ki tnad sorkar kum ka NEIGRIMHS, CPW,ICAR ruh ki ba hap ha ki kyndon jong ka trading system ki lawan ban shim ia ki trading lisen na ka KHADC ha ka ba ka la long ka burom ka ba khraw ia ka Council.
Haba kumne Ka lah ban don kaei re kaei ka ba sha lyndet. Ngi tip ba ka dei ka politic hynrei ka issue jong ka jaitbynriew dei bn budien. Kaei shuh kaban sah jia ha ha EC ba thymmai. Kaei ba kan leh na ka bynta ka jaitbynriew. Kane ka jingkhyllem ka EC barim ka lh ban ktah ia ki kam babha ba ka EC ka lah leh.