Ba tynrah ia ka kynroh khlad lai ngut ha Thadlaskein

Jowai, 29 ’lyngkot:
Lai ngut ki samla ki la duh ei ia la ka jingim ba kordor jong ki, katba uwei pat u la mynsaw jur hadien ba ka kali jong ki ka la tynrah ia ka kynroh mynta ka janmiet sngi U Blei por kumba 4:30pm eiei ha Jowai Byepass (hajan Orchid Inn) Thadlaskein, West Jaitnia Hills.
Kitei ki lai ngut ki samla kiba la khlad ha shen kidei kiba la tip kyrteng kum u Deimonmi Bhoi (18), Teilang Mynsong (23) bad u nongniah uba la tip kyrteng kum u Riki-o Lamare katba uba la mynsaw jur u dei u Tripleson Laloo (16) bad baroh ki dei na ka shnong Ummulong.
Ki pulit ki la ia thuh ba kitei ki 4 ngut ki dang wan kai ban wanphai noh sha Ummulong, hynrei ynda poi hajan Orchid Inn katei ka kali ka tynrah ia ka kynroh bad kitei ki lai ngut ki la khlad noh hashen.
Na ka liang kiba haiing ki la kyrpad ia ki bor District ban pyllait na ka post mortem bad la pdiang ia ka jingkyrpad jong ki ha kaba la aiti noh ia ka met sha ki ba haiing na ka bynta ban pyndep ia ka niam ka rukom ban pynkhuid ia ka met jong ki.