Ba tyngkhuh ia u sainar ding, khlad u samla ha Civil Hospital Nongstoiñ

Nongstoiñ, 21 Jylliew:
Ha kawei ka jingjia kaba sngewsih kaba la jia mynta ka sngi balang jong ka taiew u wei u samla u ba la tip kyrteng kum u Ribok Marwein u ba dang 26 snem ka arta u na ka shnong Nonglang South West Khasi Hills District, u la khlad noh hadien ba u la shah bat ha u sainar jong ka ding ilektrik.
Katkum ka tyllong khubor ba la ioh da u nongthoh khubor la ong ba katei ka jingjia ba sngewsih kala jia mynta ka janmiet ha ka por kumba 1:00 baje nohsngi, ha kawei na ki jaka jong ka Civil Hospital Nongstoiñ kaba dei ruh ka jaka trei bylla jong u tei u samla. Shuh shuh ka khubor ka iathuh ruh ba katei ka jingjia ka la jia, katba u tei u samla u dang trei ia ka kam ka jong u ha kawei na ki kamra jong katei ka Hospital bad la ong ruh ba katei ka jaka trei jong u ka long sha ki bynta ba shalor duh ha kaba u sainar lait u ba don ha katei ka jaka u la jan bha ban ia tyngkhuh bad katei ka kamra bad kyndit kumno re kumno u tei u samla katba u dang trei u la kum tyngkhuh ia u tei u sainar, haduh ba un da duh syndon iala ka jong ka jingim.
Ha kaba iadei bad katei ka jingjia na ka liang jong kiba ha iing ha sem jong u tei u smala ki la pyntip ruh ia katei ka jingjia sha ki pulit ka Nongstoiñ Police Station bad na ka liang jong ki pulit kila register ruh ia ka case halor katei ka jingjia bad hadien ba ki la dep ban leh ia ki jingdonkam baroh kila aiti noh ia ka met jong u tei u samla sha ki ba ha iing na ka bynta ban pyndep ia kaba sah.