Ba twa khyndew, sahkut ka iaid ka ieng ki kali na Shillong sha Silchar

Khliehriat:Ka jingtwa khyndew ba khah khah ha kawei ka jaka ha Sonapur National Highway 06, ha kaba ha ka 5tarik mynta ka step, ka la wanrah ia ka jingsahkut ki kali ba iaid lynti ha kane ka surok bah.

Kane ka surok kaba la pyniasoh ia lai tylli ki jylla jong ka thain shatei lam mihngi jong ka ri India, ka jylla Meghalaya, Assam, Mizoram bad Tripura, ba kane ka jing twa ka la jia ha surok bah Shillong Silchar.

Kane ka jingtwa, ka la jia ha krem Sunapur, marjan bad ka khlaw adong Narpuh bad ka jingthut ka iaid ka ieng ki kali ka long ha National Highway 06 jong ka East jaintia hills district. La ioh jingtip ba ka jingweng ia ki maw bad ki khyndew ba twa ka la iaid shakhmat da ka tnat ba dei khmih la iathuh ka khubor na ki tnat pulit Jong ka East jaintia police.
Kum ban shu pynkynmaw tang ha u bnai ba 9, mynta u snem ka jingtwa ha katei ka jaka ka la jia haduh lai sien kynthih.