Ba twa khyndew, jan hap ar tylli ki iing briew ha Bishop’s Fall

Shillong: Ar tylli ki iing shong briew, ki la shah ktah jur ha ka jingtwa ka khyndew hynnin ka sngi ha ka por kumba 11 baje mynsngi.

Kine ki iing ki don ha Bishop’s Fall Mawprem ha Blok II, ki dei ba la shong da ki 15 ngut ki longing kiba la hap ban phet krad noh namar ka jing synjor jong katei ka jaka.
Kine ar tylli ki iing, ki dei jong u bah Franky Marbaning ba la shong da 6 ngut ki longiing bad jong u bah Precious Mawa, ba la shong da ki 9 ngut ki longing kaba la pynlong ia kitei ki 15 iing ban kylla long phet wir, namar katei ka jingtwa jong ka khyndew ka buh jingma ia ki ban sah hangtei, namar ba kine ki iing kin lah ban hap jrain sha poh ka riat.
U nongthoh khubor u la leit ban peit dalade, bad la iohi ia ka jinglong ka riat kaba latwa,bad ka jingsynjor jongka ranap ka la buh jingma shikatdei iakitei ki iing,kaba lah ban long ba kin sa hap hakano ma ka por.
Haba iakren bad ki katto katne kiba don marjan hangto,ki la iathuh, “Ka daw lehse dei ka jingsynjor noh da ka jingdon ka nala um ba la shna daka MeECL ha tbian jong kitei ki iing ban poi sha ka jaka badon u transformer, namar la iohi ruh iaki dak ba ka lynti iaidkjat ruh ka la orpait khlem da maramot eiei.”
Haba kylli,ki la iathuh ba kitei ki iing la shna ym pat palat iaka 9 ne 10 snem,bad ki la iathuh ba dei tang kane ka sien kaba ki la mad ia ka jing twa ka khyndew,hynrei ha kiwei ki snem kam pat ju don ka no kano ka dak wat tang ka jinghap u maw ruh.
Kitei ki longiing kiba la hap kynriah noh ki la sah mynta shipor ha ki jaka jong kiba ha ing hasem jong ki bad don ruh kiba sah ha ki jaka ba la pynbeit da ka shnong.