Nongpoh:Haba shimkhia halor ka jingujor na ki riew paidbah jong ka shnong Mawker, kiba la ujor sha seng halor ka jingpyntrei torti u Kontraktor uba pyntrei ia ka surok PMGSY ha Mawker, ki nongialam ka HNYF Northern Region, ki la leit ban jurip ia katei ka surok bad ha katei ka jingleit jurip jong ki, la lap shisha ia ka jingtorti ha ka rukom ban pyntrei ia katei ka surok PMGSY.
Ki nongialam HNYF Northern Region, kiba la leit ban jurip ia katei ka surok ki kynthup ia u Bah Marcus Marten President, Bah Edelbert Nongrum Secretary, Bah Donroy Kshiar Asst. Secretary lem bad shibun kiwei pat, ha kaba ki la leit ban jurip ia katei ka surok kaba jngai kumba 4 km, la lap shisha ba ka rukom treikam ka long kaba torti bad ka bym hun kumba la angnud da ki paidbah.
U Bah Marcus Marten, u la ong haba iadei bad katei ka jingpyntrei torti da u Kontraktor, ka Seng kan shimkhia halor katei ka mat bad kan sa leit ruh ban ujor sha ki bor kiba halor, khnang ba ki paidbah kin ioh ia kaei kaba ki angnud kumba ki la khmih lynti ban ioh ia u surok ba bha ban ioh ban kit ban bah iaka kam iap ka kam Im ha shnong ha thaw.
Phi don ban ong eiei?