Shillong 2 Naitung: ka Hynniewtrep Youth Council (HYC) education cell mynta ka sngi baar ka 2 tarik u Naitung, 2024 ka la leit ban buh da ka jingthoh hakhmat u Chairman ka MBOSE, u bah C.H Marak ban dawa ban pynlong da ka jingtohkit kaba bniah halor ka jingbakla ka MBOSE ban pynmih ïa ka resol.
Haba kren sha ki lad pathai khubor, na ka liang u samla Enlang Sawïan, u ba dei u education secretary, u la ong, ba ka jingleh jong ka MBOSE ka la wanrah shibun ki jingeh na ka bynta ki khynnah namar ba bun ki lah hap ban duh ban leit pule ha ki ba kham shalor.
U samla Enlang u la pynpaw, ba hooid ka board ka la khia ha ka ba iadei bad ban correct ia ki paper jong ki khynnah namar ba ka la bun palat, hynrei kam dei pat ba kin shu peit ne correct tangdep da ka ba pynbna ia ka result bym dei lane ban ai da ka mark ka bym ia ryngkat bad kaei ka ba ki khynnah ki la thoh.
“Nakaliang ka seng ka la dawa ia ka board, ba kadei ban shimkhia bad ban tohkit mardor bad ka dei ban pynshitom ïa kiba donkti ban leh torti ïa ka resol khnang ba kum kine ki jingjia kin ym jia shuh nangne shakhmat”, la bynrap u bah samla Enlang.
Phi don ban ong eiei?