Nongpoh: Ka 2nd National Nongpoh Trade Expo 2020, kaba la dei ban pynlong Madan NSCA Mini Stadium Paham syiem, ia kaba la thmu ban pynlong ha ka 8 tarik u Lber 2020 ter ter, la pynsangeh noh shipor namar ka jingtieng ia ka jingpang Corona.
Haba pyntip halor ka jingpynsangeh shipor ia katei ka Trade Expo, u Bah D.P Kharsati, Additional Deputy Commissioner ka Ri Bhoi District, u la ong, ba ki bor Distrik ka Ri Bhoi, ki la ioh ban pdiang ia shibun ki jingujor, kata naduh u MLA ka Nongpoh, ki riew paidbah bad sengbhalang, kiba la ujor halor kane ka jingthmu ban pynlong ia katei ka tamasa die mar mata, kiba la pynpaw ia ka jingtieng lada pynlong ia katei ka Iew die mar, namar kan sa ktah ia ka jingsaphriang ia ka jingpang Corona, namar ha katei ka Trade Expo kin sa don bun ki briew kiba nabar ki ban sa wan iashimbynta.
Dei namarkata, kaba la pynlong ia ki Bor Distrik ka Ri Bhoi, ba kin pynmih da ka hukum ban pynsangeh shwa shipor ia katei ka 2nd National Nongpoh Trade Expo 2020.
Phi don ban ong eiei?