Shillong:Namar ka jingshah tied ha u pyrthat, kyllon iap hashen ki saw tylli ki masi ha ka shnong Lumshken kaba hap hapoh u pud u sam jong ka East Jaiñtia Hills District kaba la jia ha ka 20 tarik u Jymmang 2021 ha ka por kumba 3 baje nohphaisngi eiei.
Haba kren sha ki katto katne ki lad pathai khubor, u Secretary jong ka shnong Lumshken, u Bah Ïowest Khaii u la iathuh ba ha kane ka por ba la tied u pyrthat ki don haduh lai kynrad ki masi ba la sharai da ki hynñiew ngut ki nongsharai masi hynrei donbok pat ba ha kane ka jingjia ki nongsharai masi ki la lait na kane ka jingshah tied ha u pyrthat.
Kine ki laitylli ki masi kiba la iap la dei trai da ka Kong Nil Bareh kaba la duh noh kaba la duh noh haduh 3 tylli ki masi bad ka Kong Rida Dkhar kaba la duh noh kawei ka masi ha kane ka jingjia. Katkum ki jingkheiñ ba la shu kheiñ antad na ka jingiap jong kine ki masi kiba la shah tied ha u pyrthat ki la kot sha ka 15 lak tyngka eiei.
Phi don ban ong eiei?