Ba thok pisa T.73lak, shah kem ka samla kaba na Mizoram ha Delhi

Tura: Ki pulit ka East Garo Hills, ki la ioh kem ia kawei na ki nongsei tuh pisa, na Delhi, ha kaba ka la ioh ban sei tuh ia ka pisa kaba T.73lak na kawei ka briew, kaba na Songsak.

Katei ka briew, kaba thok pisa, a dei ka Lalnunpoii, kaba na Kolasib, Mizoram bad kaba sah ha Dabri Delhi bad katei ka tyrwa pisa ia katei ka longkmie na Garo hills, kaba shongdor san million dollar, ba kan trei ia ki projek pynroi bapher bad ka dei halor katei ka jingtyrwa, ba ka la ioh lum tuh haduh T.73lak na katei ka longkmie na Songsak.

Ha ka jingtohkit ryngkat bad ki pulit ka Delhi, la lap ruh ba katei ka nongtuh pisa, ka don haduh T.2klur 70lak, ha kaba ka la ioh ban sei tuh na kiwei de ki briew, ha kaba kiba kham bun, ki dei hi na Garo hills, ba kynthup ia katei kaba la siew sha ka T.73lak.

Ki pulit ki la kem ia katei ka briew bad la iathuh ba ka dei kaba ju don bynta bha, ha ki kam sei tuh pisa na account jong ki briew na Mizoram bad na Delhi ruh kumjuh.