Nongpoh: Ka la don ka jing shlei um kaba jur bha mynta ka sngi ha ki bynta ka surok ha Jorabat bad kata ka la jia tang na ka jinghap slap mynta ka sngi ha ka por 2 baje ei ei janmiet bad utei u slap u la thep tang kumba shi kynta duna eiei.
Na katei ka jinghap slap, nalor kaba la pynthut eh ia ka leit ka wan ki paidbah, ka la wanrah ruh ia ka jingsahkut kali kaba jur bha ha kitei ki bynta ka Jorabad, nalorkata kai la don shibun ki kali rit, kiba la sahkut hapdeng ka um ha ka por ba ki thmu ban iaid na katei ka surok.
Nalor ka jingshlei um ha Jorabat kaba hap ha liang Assam, ka la don ruh ka jingshlei um ha shnong Ampher 12mer, ha kaba ki la don ki iing ki sem bad ka skul St. Jude Secondary School, kiba la ngat ha ka jingshlei um.
Phi don ban ong eiei?