Ba ther u lapbah, julor ki iing ki sem bad ki surok, ong U Conrad

Shillong: U Conrad Sangma, myntri rangbah ka Jylla, ula thoh ha ka twitter, ba ka jingther u lapbah, ha ki khyndiat sngi ba ladep, ka la pynjulor ia ki iing ki sem jong ki riew paidbah bad kumjuh ia ki jingtei jong ka sorkar ruh kumjuh. U Sangma, ula pyni ruh ia ki katto katne ki jingjulor kiba la ktah lyngba katei ka jingther u lapbah ha ki khyndiat sngi ba ladep.

U Sangma, u iathuh ba ka don ka jingtwa khyndew, ka jingtwa ki surok, ka jingkhyllem ki dieng ki siej bad u iathuh ba ula bthah ia ki Deputy Commissioner, ba kin buddien bha bad ba kin ai jingiarap mar mar ia kito kiba donkam ban ioh jingiarap.

U Sangma, u don mynta ha Switzerland, ha kaba la khmih lynti, ba un wan phai sha India, ha ka Lah Sngi U Blei lane ka Sngi Hat Majai.