Ba ther kuli ki lehnoh, mynsaw ar ngut ki pulit Commando

Shillong, 3 Naitung:
Ar ngut ki pulit Com mmando jong ka Central Reserve Police Force (CRPF) ki la myn saw na ka jingsyllad ki kuli jong ki lehnoh ha ka jingiather kaba jia ha shnong Bolsal A’ding, kaba don hajan ka Resubelpara ha North Garo hills district hynne ka sngi Palei myn step.
Ki pulit ki la ong ba ki pulit commando CRPF ki la shah ther ha ki suba lehnoh ka GNLA haba ki leit ban khynra ha ka ktem jongki. Katkum ka jingong ki pulit, ar ngut ki lehnoh ruh ki la mynsaw na ka jingsyllad ki kuli jong ki commando hynrei ki la lait phet noh.
Ia kine ki ar ngut ki Commando CRPF la pyn kit wut wut sha Down Town hospital ha Guwa hati ban shah sumar.
Ki pulit ka North Garo hills ki la ong ba kitei ar ngut ki Commando ki la mynsaw jur na ka jing shah ther kuli ha ki lehnoh ha kaba ki kuli ki la ksam na ka bynta ka shadem, ki pungkjat.
Na katei ka jaka ba iather kuli, ki pulit ki la ioh tam lai tylli ki pistol lem bad ki tiar ialehkai, u grenade, ka AK magazine, bad ki kot ki sla 130 tylli ki kuli AK. Ki pulit ki dang bteng ia ka jingkhynra ha katei ka thain.