Ba synjor ka Jingkieng Damsite, la khang ban iaid ki kali ba kit palat 10 ton

Nongpoh: U District Magistrate, Ri Bhoi District, Nongpoh, u la pynjari da ka kyndon 144 CrPC, na ka bynta ban khang pyrshah ia ki kali kitkhia bad kiba la kit palat ia ka 10 MT ba kin iaid lyngba katei ka Jingkieng heh Umiam bad kaba la tip kum ka Jingkieng Damsite.

Nalor kaba la khang pyrshah ia ki kali kitkhia ba kin iaid lyngba katei ka Jingkieng, la khang ruh ia kito ki kali kiba la kham kit khia ba kin iaid ha kajuh ka por lyngba katei ka Jingkieng.

Ka daw kaba la pynlong ia u DM ka Ri Bhoi, ba un hap pynjari ia katei ka kyndon ain, ban khang pyrshah ban iaid ki kali kitkhia, ka dei ruh katkum ka hukum ka Iingbishar Meghalaya High Court Order, kaba la pynmih ia katei ka hukum ban khang ha ka ban iaid ki kali kitkhia, ka dei namar ba la tor palat katei ka Jingkieng.