Ba syier ka Garo Hills, wan iuhkjat U Secretery poh iing

Shillong,11Jylliew:
U Myntri Rangbah ka jylla u Dr.Mukul Sangma u la pynlong ia ka jingiakynduh jong u mynta ka sngi ia Secretery kam poh iing, U Anil Goswami ban ia phyliew jingmut halor ki kam lehnoh bad ka jingshong shngain ka jylla.
U Goswami ha ka jingwan jngoh jong u kaba ar sngi ia ka jylla, u la ia kynduh ruh ia u Lat ka jylla u RS Mooshahary, nalor ka jingkynduh jong u ia u Director General of Assam Riffles, Lt Gen Ranbir Singh. Ka mat ba kongsan eh kaba ki la ia phylliew jingmut kham slem ha ka jngiakynduh jong ki ka dei ka kam lehnoh kaba pyntriem bad pynsmiej ha Ri-Lum Garo, da kumno ban thaw ia ki lad ki lynti ban pynpra bad ban pynduh shisyndon ia ki ktem lehnoh ha baroh ki district ka Ri-Lum Garo.
Haba kren sha ki nongthohkhubor u Goswami u la ong ba u Myntri Rangbah u la iathuh ia u ia ka jinglong jingman ka jylla ha ka baidei bad ki kam lehnoh.Haba kren pat shaphang ka jingioh jong ki kynhun Moist ban suhthied ha kane ka Thain Shatei lam Mihngi u Goswami u la ong ba ka jingioh ksai jong ki moist ban suhthied ha kane ka jylla ka dei lyngba ka khappud ka Assam.
Kham mynshuwa ia kane ha ka jingiakynduh jong u Union Secretary bad u DG ka Assam Riffles, u la io ia ka jingbatai bniah na u DG ia ka ujinglong jong ki bor pahara ha ki Thain shatei Lam Mihngi da ka jingkam ruh ba kan don ka jingpeit thuh bha ia ki khappud jong ka India bad Myanmar lyngba ka Indo-Myanmar border.