Shillong:Ka kynhun jong ki nongkhaïi Mawshun sha Bangladesh, ha ka shatri jong ka Meghalaya international exporter chamber of Commerce, Dawki; ki la phah da ka shithi sha u myntri ka kam surok jong ka ri India, u Nitin Gadkari, ban pynsngew sha u ia ka jingeh ba na ka liang jong ka Seng ka shem shitom shibun, ha kaba iadei bad u surok NH-40.
Katkum ka shithi la iohi ba ka kynhun ki nong khaïi, ki la iathuh shai, ia ka jingsniew jong ka surok National Highway -40 ka long shaba palat liam bad buh jingeh ruh iaki nong leit nongwan na kane ka surok la kumba katto katne bnai mynta.
Ka kynhun ki nongkhaïi ka la iathuh ruh ba ka jingpyntrei ia kane ka surok ka dang iaid shakhmat, hynrei ka kompani ba pyntrei ia ka surok ki lah iehnoh ia ka kam mar shiteng por, khlem lah ban pyndep.
Ka Seng ka la pynkynmaw ba ka jingsniew jong ka surok ha ki aiom slap ka long ba palat bad la i donkam ban maramot noh khlem kano kano ka jing pyn sahteng, ong ka shithi, na ka kong Dolly Khonglah, Secretary MIECC, bah Kmen Myrchiang, Vice President MIECC bad u bah Chanmiki Lamin, Publicity Secretary MIECC.
Kaba kham i donkam eh kat bym pat dep Kane ka project thymmai Jong Kane ka surok,lah dei ban pynsangeh shwa shipor ia ka jing iaid ki trok kit maw tad haduh ban da dep bha ka surok.