Ba shoh u kpa jah u khun na ing

Jowai,25 Risaw:
Uwei u khynnah uba la tip kyrteng kum u Kitbok Dkhar 12 snem ka rta na ka shnong Mooshrot West Jaintia Hills District u la jah na la iing sah jong u hi naduh ka 24 tarik mynta u bnai naduh ka por 07:00 baje mynstep.
Utei u khynnah u dei u khun jong u ma Basil Suchiang bad ka kong (L) Kolni Dkhar. U kpa jong une u khynnah u ma Basil u la iathuh ba hadien ba u la dep ban mai bad sneng sympat ia u na ki katto katne ki daw ba u khun jong u leh tam ha katei hi ka step bad mar syndep ai jingsneng ia u, u ne u khun jong u u la mih noh na la iing, u ma Basil u la ong ruh ha ka por ba une u khynnah u mih na iing u phong ka sopti poh rong saw bad ka patlun Jean rong Blue bad u don ka jingthoh dak iing ding ha ki bynta jong ka shadem jong u, ia une u khynnah ym shem la tip shano u leit bad u don bad naduh katei ka por haduh ba la thoh ia kane ka khubor ym shem la iohi shuh ia une u khynnah hapoh shnong poh thaw bad sha jan shnong ruh kumjuh.
Ha ka jingiadei bad kane ka jingjah une u khynnah u kpa jong u la leit ban ujor da ka FIR hynne ka sngi 25tarik u risaw ha Police Out Post Raliang, West Jaintia Hills District. La kyrpad ruh ia kino kino kiba iohi bad lap ia une u khynnah kin sngewbha ban phone ha kine ki number 9856990757 / 9856993461.