Shillong:Hadien ka jingshit jong ka suiñbneng ki bor pyniaid jong ka district jong ka West Garo Hills District jong ka jylla ki la rai ban khang ia ki skul ha kine ki khyndiat sngi.
Ki skul kiba hap ha ki bynta jong ka west Garo Hills District ka jylla Meghalaya kin khang shwa naduh ka 19 tarik iaiong haduh ka 21 tarik iaiong.
Hadien ka jingkiew jong ka jingshit ka suiñbneng ha baroh ki bynta jong ka West garo hills District, baroh ki skul naduh ki primary haduh ki higher secondary skul, ki dei ban khang noh naduh ka 19 tarik iaiong 2023 haduh ka 21 tarik iaiong 2023, katkum ka jingbthah na u Deputy Commissioner jong ka west Garo Hills District.
Dang ha ki khyndiat sngi ba la dep ka sorkar jylla jong ka Tripura, ka la rai ban khang shwa ia baroh ki skul sorkar naduh u bnai iaiong 18 tarik haduh ka 23 tarik iaiong 2023, namar ka jing shit palat jong ka suiñbneng.
Ka sorkar jylla jong ka Tripura ka la bthah ruh ba ki majistor ha ki phra tylli ki district jong ka ba kin shim khia ban ai jingiada ia ka jing shit kyrang kaba lah ban wanrah ia ka jing shah thang sngi ki sniehdoh bad ka sun stroke, kiba dei ki jingpang ba la ñiew da ka sorkar.
Hangne hapoh East Khasi Hills ruh hap ban peit pyrman bha ha ki katto katne ki jaka ka jingshit tyrkhong Jong ka sngi ruh kala nang kiew nangkiew