Ba shim kabu ki taksi, pyniaid bus biang ka MTC sha Umroi

Shillong, 4 Nailar:
Ka Meghalaya Tran sport Corporation (MTC) ka la pyniaid bus biang sha kad liengsuin sha Umroi naduh ka 31 tarik Naitung mynta u snem.
Kane ka jingpyniaid bus biang hadien ba la sangeh katto katne por, ka dei hadien ba ki nongleit nongwan ki la ud ia ka jingshim kabu palat ki taksi kamai kiba oh dor haduh T. 1800 spah na Shillong sha Kad Liengsuin ha Umoi.
Ka thymmei khubor ha kane ka sngi Saitjain ka la ong ba ka MTC ka la pyniaid biang ia ki bus kamai wat la ki don duna bha ruh.
“Ngi la shim ia kane ka rai ban pyniaid bus biang hadien ba ki nongleit jingleit ki la ud bha namar ka jingshim kabu palat ki taksi kamai kiba la dain dor haduh T. 1800 ban leit sha Kad Liengsuin ha Umroi na Shillong. La kyrpad ruh da ka Airport Authority of India (AAI) ban pyniaid ia ka bus” la ong u heh sorkar.
Ha kajuh ka por, u heh sorkar u la ong ba ka dor jong uwei u nongshong bus la buh T. 100.
Ka por ban mih na Shillong sha Umroi kan long 11 baje mystep bad na Umroi Shillong kan shong katkum ka jingwan poi ka liengsuin na Kolkata.