Ba shim kabu ki nongwanrah jhur rem u jhur ha ki shnong ki thaw

Shillong: Mynta ka sngi ka ka Sorkar jylla, ka la pyllait ban thied ia ki mar bam naduh ka 9:00 baje mynstep haduh ka 5:00 baje jan miet, ha ka ba ki briew ki la ia mih ban thied ia ki marbam.

Ha ryngkat ki khaw ki shini, ki briew ki ia beh ban thied ia ki jhur ki jhep kat ba don ha dukan ban ioh bam ha kine ki sngi ba khang.

Wat la na ka liang ka sorkar ka la maham ban ym dei ban die rem ia ki marbam hynrei ki don katto katne ki dukan jhur ki ba pynkhein ia ka hukum jong ka Sorkar Jylla ha ka ba ka dor jong u jhur ka long shaba palat. Haba kylli na ki nongdie jhur ia ka jingkiewdor ki jhur, ki la iathuh ba kin banse ban die remdor ia u jhur namar ba ki nong wanrah jhur ha shnong ki la buh lupa da ka dor ba rem.

Ki don ki jaka ba ki briew ki bud ia ka jingbthah ka sorkar ha ka ba ki la ieng jngai iwei na i wei hynrei ki bun ki briew ki bym shem la bud ia ka jingbthah ka sorkar ha kaba ki la shu ialum ha khmat ka dukan kane ka buh ha ka jingma ia u ba bun balang.