Ba shah pyniap u pulit Home Guard, mynta ka sngi, yn deng lama iong ha Mawlai

Shillong: Ka Joint Action Committee jong ka shnong Mawlai, ba la khot da ka HYC Mawlai Circle, ka la rai ban pynlong ia ka jingdeng lama iong mynta ka sngi, ban pyrshah halor ka jingshah pyniap bein jong U bah Dismarlin Lyngdoh Lyngkhoi, u pulit Home Guard, ha ki nongniah trok, kaba la jia ha ka miet jong ka 24tarik Iaiong 2019 ha ka kudam jong ka FCI, ha 10 mer, Ri Bhoi District.

Ka JAC, ka dawa ia ki pulit ba kin kem mardor ia kitei kiba donkti ha katei ka kam pyniap ba triem ia U bah Dismarlin bad la iathuh ba ka JAC, kan ia kynduh ha ka Lah Sngi U Blei, na ka bynta ban buh tarik, na bynta ka jingialang bah ha Mawlai, ban pyrshah jur halor katei ka jingpyniap ia U bah Lyngkhoi.