Ba shah lehjot ha ka tnga, pan pyllait sanshyieng u nongialehkai kriket ba pawnam ka India

Ka Delhi High Court, ka la mynjur, ia ka jing ia pyllait sanshyieng jong U Shikhar Dhawan bad ka tnga jongu, halor ka jinglap jonga, ba U Dhawan, ula shah lehjot, ha la ka jong ka tnga, ka Aesha Mukerji bad kaba la ktah ia ka jinglong jingim bad ka jingmut jingpyrkhat jongu.

Katei ka kashari, ka la mynjur, ia ka jingpan ia pyllait noh U Dhawan, da kaba kynthoh ruh, ba ka tnga jongu, ka la pyndik tasam, ia la u tnga, ha kaba ula hap ban shu shong marwei, khlem da ailad, tang ba un ia shong ia sah lang bad u khun jongu ruh. U Harish Kumar, uba dei u nongbishar, ula pdiang ba baroh ki jingkynnoh jong U Dhawan, ki dei kiba shisha suda, namar ba ka tnga jongu, kam nud satia, ban leit pynksan ialade ha katei ka kashari.

U Shikhar Dhawan, ula ia poikha bad ka Ayesha Mukherjee, ka thei iapsaw, kaba la pynshoh bieit ia u bad kaba la don khun lypa, 2 ngut na uwei pat u tnga barim jongu, ha kaba ki la poi kha ha u snem 2012. U Shikhar Dhawan, u dei uwei na ki nongialehkai ba pawnam jong ka India, uba la ju ialehkai ha ki jingialehkai ba khraw jong ka pyrthei.