Ba shah kynnoh ‘Nongaiksuid’ shah pyndeng tin 3 ngut ha Umrit

Nongpoh:Arngut ki Longkmie lem bad uwei u rangbah, ki la shah pynjah burom da kaba shah pyndeng tin bad phah iaid paidbah hapoh ka shnong Umrit, kata ka dei hadien ba kitei ki lai ngut ki la shah kynnoh ba ki don bynta ha ki kam leh byrtong ne kum kita ki ‘Menaiksuid’.

Katei ka jingjia, ka la jia mynta ka sngi hapoh ka shnong Umrit, ha kaba kitei ki laingut, ki la hap ban mad ia ka jingshah pynlehrain hakhmat ki briew, kata ka dei ba ki la shah kynnoh donkti ban leh sniew ne ai ksuid ia kawei ka longïing hapoh katei ka shnong.

Ka nongrim ba kitei ki laingut ki la shah pynjah burom da kaba shah pyndeng tin, ka dei hadien ba ki la shah kynnoh ba ki la don bynta ha kaba leh ia ki kam leh byrtong ne ki kam aiksuid ia kawei ka longiing hapoh katei ka shnong.