Shillong: Kawei ka longkmie kaba la tip kyrteng kum ka Thrina Suchiang, ka la shah tait shnong, tang na ka daw ba ka la wad bad lap ia ka jingbam sap ha ki skim bapher bapher kiba wan na ka sorkar jylla ha ka shnong Lama, East Jaintia Hills District.
Haba ia kren bad ki lad pathai khubor ka kong Thrina Suchiang, ka la iathuh ba na ka daw ba ka la wad RTI halor ki jingtrei na ki skim bapher bapher ki ba wan na ka sorkar jylla, ka shnong Lama ka ba don ha East Jaintia Hills District ka la tait shnong ia ka.
Ka la ong ha ka 28/11/20 ki bor shnong ki la rai ban dain kuna ia ka, na kadaw ba ka la wad ia ka RTI ia ki skim ha kaba ka la kyntait ban siew ia ka kuna bad ha ka 30/11/20 ka dorbar shnong ka shnong Lama, ka la shim ia ka rai ban tait shnong ia ka ha ryngkat ka hukum ba uno uno u nongshong shong kane ka shnong kam dei ban wad RTI khlem da ioh ka jingbit na ki bor shnong.
Ka la iathuh ba lyngba ka RTI ka paw shai ba bun na ki skim kiba wan ha kane ka shnong ka pisa ka jah rngai lut kum ka skim ka ba dei naduh u snem 2018, ka pisa ka ba long T10,49,800 ka ba rung sha ka account ki nongtrei ka long T.6,29,280 ki material ki long T.1,94,200 katba ka pisa kaba long T.2,25,700 ka jah rngai.
Ka la iathuh ruh ba ha ka skim painkhana kaba long T.1,56000, ki 13 tylli ki longing ki la ioh ia kane ka skim kaba rung ha ka Account kalong tang T47,060 kiba ym don material bad kaba tam ka jah bad ia ka jingtei ki bun ki dang sah.
Ki skim ha kaba ia dei bad ki sboh ka ing syiar ha ka RTI kam don ka jingthoh ha ka liang ki material.
Ha kaba ia dei bad ka skim ban tei ia ki Aganwadi ka pisa ka ba laioh ka long T.7 lak, kaba rung ka long T.2,76,760 ka material ka long T.1 lak, katba kane ka jingtei haduh mynta ka sah khongreng bad ki dang shna tang ki paia 4 tylli.
Ha kaba iadei bad ka skim ban thied ia u tynrai sohtrun bad u tynrai kwai, ka la iathuh ba ka jingiarap na ka sorkar ka long T.7,43,831 kaba rung sha ka account ka long T. 5,84,749; katba wat tang shi tynrai u tynrai kwai ruh ki khlem pynioh.
Na ka bynta u sohtrun ki khlem ioh ia u tynrai, hynrei ka pisa ba wan na ka sorkar ka long T.5,33,190 kaba rung sha ka account ka long T.1,95,228 na kine ka pisa kaba jah ka long T.3,37,962.
Ki sengbhalang ha east jaintia kidei ban support mardor iaka longkmie ba wad rti na ka shnong lama,kim dei ban buhteng namar kam dei ka shimet hynrei ka dei hi ka kam paitbah, ngim dei ban sngap jar iakum kine ki kam bamdap