![](https://www.urupang.com/wp-content/uploads/2023/06/image-98.png)
Shillong: Ka Hynniewtrep Youths’ Council HYC West khasi Hills District, mynhynnin ka sngi, ka 19tarik Jylliew 2023 hapoh ka jing ialam U samla Lumlang Kharsyiemlieh President bad Samla Wanteibok Lyngdoh General Secretary, ka la leit ai jingthoh bad ia kynduh ia U Senior Superintendent of Post Office Shillong,Meghalaya ban pyrshah ia ka jingwan trei ne sam shithi da kita ki Gramin Dak Sewak(GDS) kiba don kumba 6 ngut ki bar jylla hapoh West Khasi hills, kata ha ki Shnong Byrki,Jaidoh,Mawlieh, Nongtynniaw,Nongkasen bad Shyrkon.
Na ka liang ka seng, ka la pynpaw ba kam sngewtynnad ia kane ka jingiohkam da ki bar Jylla hapoh ki Shnong ki thaw ha West Khasi Hills District bad pynrem jur ia ka Sorkar Kmie kaba khlem ailad ia ki khun samla trai jylla ba kin iohlad lem ha kum kine ki kam. Ka Seng ka maham jur ia ki bar jylla ba kim dei ban khein shngain ba tang namar ba ki lah ban ioh ia ki NOC na ki Shnong, ba ki la lah ban wan trei bad rung hapoh ki Shnong ha ka Distrik, hynrei na ka liang ka seng kan nym ailad satia ban wan trei hapoh ka Distrik bad ka dawa ruh ia kito ki shnong kiba lah ai NOC ba ki dei ban weng noh mardor.
Ka seng ka dawa na ka Sorkar Kmie ba ka dei ban dei ban thung da ki trai Shnong khamtam namar kadei ka kam hapoh ki Nongkyndong bad kyntu jur ia ka Sorkar Jylla ba ka dei ban tuklar lem ia kane ka kam namar kane ruh kan dei kawei na ki lad aikam aijam ia ki khun samla jong ka Jylla.
Ka Seng hadien ka jong ka jingiakynduh ia utei u Ophisar ka Post Office ha Shillong, ka lah pynpaw da kaba shai ba ka Seng kan ieng ha ka nongrim ban ym ailad ban kin wantrei bad utei u Ophisar ula kular un phah ia kane ka jingdawa jong ka Seng ha ki bor ba halor, ong ka kyrwoh, na U bah Wanteibok Lyngdoh, General Secretary, HYC- WKHD.
Ko HYC, to tip ka kyntien ‘YOUTHS’ kam ju don ha ka ktien English!
Nai batai stad than ma me
Ym leilei re. Ka kam ka kren kham jam ban ia kyrteng. Ka jingujor jong ki ka ia hap bha. Ngi dei ban peitngor bha bad buh jingdawa kum kine.