Shillong: Ka seng All Jaintia Poultry Trader Association, ka long kawei na ki seng jong ki nong die syiar lane khaii syiar napoh rilum jaintia kaba la dep ithuh da ka sorkar, ka la pynlong ia ka jingialang ba kyrkieh ha kine ki taiew bala dep ban iatai sani bha halor ki jingeh ba ki nong die lang ia ki broiler,layer, ki ia kynduh na ka por sha ka por.
Te ha kane ka jing iakynduh lang na ka liang ka association, da kawei ka sur ka la rai ban khot noh ia baroh ki nong die syiar broiler,layer, kroiler kiba hap hapoh u pud u sam jong ka Jaintia baroh kawei.
Shuh shuh ka jing thmu ba ha khmat ka seng ban khot ia ki whole seller ka long kaba nyngkong ka long ban teh lakam ia ka jing rung kulmar ki syiar napoh Assam, sha ki district, khlem ka jingtip ka association bad kaba ar ka long ban tehlakam iaki briew kiba na assam ba wan die khutia lane kiba wan die wholesale dalade ialade sha ki district, namar ba ka long ka jing duhnong kaba khraw ia ki trai jylla bad ruh ka pyn kulmar ia ka iew ia die iathied syiar khamtam ka dor ka mur hapoh ki district bad kaba lai ka long tang ia ki nongdie lang, kiba ithuh da ka association lane kiba lah dep ithuh da ka seng, kiba lah ban pynrung mar kiba wan na Assam hapoh ka district khnang ban lah ban tehlakam ia ki bar jylla.
Shuh shuh ka association ka pyntip ba lah ban iakynduh ia u president lane ia u general secretary jong ka seng lane lah ban phone ia U General Secretary ajpta contact 6909537140 bad ruh ka association ka ai por haduh ka 30-9-2020 mynta u bnai.
Phi don ban ong eiei?