Ba rong ka um ia 12 tylli ki jingkieng, shah weng kam 15ngut ki Engineer ha Bihar

Ha ki 17 sngi ba ladep, ki jingkieng kiba la shah rong noh ha ka um, ki la poi sha ka 12 tylli ha Bihar. Na katei ka jingjia, ka sorkar Bihar, ka la weng kam shipor ia 15 ngut ki Engineer bad la hukum ruh ban tei noh mar mar ia kitei ki jingkieng, kiba la shah rong ha ka um bad la rai ruh, ba ia ka bai trei ia katei ka jingkieng, yn phah siew bai lutksan, na kitei ki kontraktor kiba trei tangdep ia kitei ki jingkieng haneng.

Katei ka rai, ka dei hadien ba ka komiti jong ka sorkar jylla, ka lap ia ka daw ba ka jingkhyllem kitei ki jingkieng, ka dei namar ka jingtrei torti ki kontraktor bad ka jingbym peit bha ki engineer jong ka tnat PWD.