Ba pynjulor ka umsaw, yn khang shipor, ia ki nongshang suwari sha Shnongpdeng

Shillong: U Secretary Shnongpdeng Tourism Development Society (STDS) u Bah Tellme Talang mynta ka sngi u la pyntip ba na ka liang ka society kaba peit ba khmih ïa ka jaka wan shang suwari ha Wah Umngot Shnongpdeng ka la rai ban khang shipor ïa ka jingwan ki nongwan kai sha katei ka jaka hadien ba ka umsaw jong ka 4 tarik u Ïaiong ka la rong bad pynjot lut ïa ki paiñkhana, ki ïing dara ki lieng bad kiwei ki jingdon jingem ba ju pyndonkam na bynta kiba wan sha katei ka jaka bad kane ka jingkhang shipor kan neh tad haduh ba yn pynbna da kumwei pat.

Shuh shuh na ka liang ka society ka la kyrpad ïa ka sorkar ba kan kner lem ki kti ai jingïarap na bynta ban maramot biang ïa ki jingjulor ba la jia ha katei ka sngi.