Ba pur ka jingpang Japan, tur ki paidbah sha ka CHC ha Allagre

Shillong: Ka tyllong khubor ka ong ba ka jingpep trei ba khah khah jong ki doktor bad ki nongtrei jong ka Allagre Community Health Centre (CHC) ka la pynbitar ia ki nong shongshnong jong ka thain, kaba la pynlong ba kin ia iaid paitbah ban pynpaw ka jingpyrshah ha ka Sngithohdieng.
Ka jingpyrshah ka long ba ki nongtrei bad ki doktor kim ju sah ha jaka trei, hynrei ki leit ki wan rwing na Tura bad na ki shnong jongki.
Ka Allagre CHC ka la paw ha ki kot khubor dei ba ka kynthei na ka shong Simkalanggre ba hap ha kane ka CHC West Garo Hills District la lap ba ka ioh u jingpang Japanese Encephalitis (JE).
Ki paitbah ba la bitar shla namar ka jingpep jong ki doktor bad ki la pyntip sha ka Garoland State Movement Committee (GSMC) jong ka unit ha Ashugre bad ki la pynlong ka jingiakhih ryngkat bad ki seng bhalang jong ka thain.
Ki tymmen shnong bad ki khynnah skul ki la iaid kjat kumba 3 kilo meter na Rimrangpara sha Allagre health centre ryngkat ki banar ban pynrem ia ka jingjah jar jong ki doktor bad ki nongtrei ka CHC.La lap ba ki nongtrei ki long thurmur palat kat haduh ba wat ia ki nongpang ba hap leh kyrkieh ki dang phah ap haduh kawei pat ka sngi.
Ki jingjia kiba kum kine ki ju jia khah khah ha ki hospital nongkyndong ha lum Garo ha kaba ki doktor bad ki nongtrei ki ju beh ban peit nongpang beit naki shnong lajong bad kane kan pynap jingma iaki nongpang bad pyn pisa mynsiem iaki nongshong shnong.