Shillong: U Myntri ba dei peit ia ka tnad bording, haba jubab ia ka mat, ba la wanrah da u Nujorki Sungoh (UDP), halor ka jingkhlad jong ki arngut shipara ha Umsalait West Jaintia Hill, u la ong ba dang ap ia ka kaiphot ba pura na ki pulit bad ka kaiphot post-mortem jong kine ki shipara ki ba khlad na ka jingjia shah bat ha ka bording electric.
Kat kum ka kaiphot na ka ophis jong ka Inspectorate of Electricity ka la pynmih ia ka hukum ban pynlong ia kane ka jingjia ha ka 24 tarik u lber 2021, hapoh ka Section 161 jong ka Indian Electricity Act, 2003. Ki la iathuh ba ha ka 10 tarik u lber 2021, ki ophisar jong ka Inspectorate of Electricity ki la ioh ia ka khubor ba ar ngut ki heprit ki ba tip kyrteng kum u Ardaban Papeng 10 snem ka rta bad u Pynskhem Papeng 1 snem ka rta ki la khlad noh na ka jingshah bat bording electric.
Ki ophisar jong kane ka tnad ki la hiar mardor ban jurip ia kane ka jaka ba jia kane ka jingjia bad la lap ba u pin insulator 11 k V u ba la pra, u dei u ba la pyndait ia u channel jong u post bad shiliang ha ka khyndew.Namar ka jing pra u pin insulator ka la wanrah ia ka jingtyngkhuh jong ki sainar bording bad u post kaba la wanrah ia ka jing par ka bording electric kaba khlain ha u post.
La iathuh ruh ba u 11 kV line ha kaba kane ka jingjia ka la jia ka line ka dei jong ka 25 kV A Substation jong ka Summit Digital Infrastructure PVT. La iathuh ruh ha shuwa kane ka jingjia ha ka 9 tarik ka don ka jinghap slap kaba jur ha ryngkat ka jingtied u pyrthat ha ka ba ka lah ban long na kane ka daw ba ka wanrah ka jingpait jong u pin insulator na ka jingtied u pyrthat .
Phi don ban ong eiei?