Ba poi Kashari khah khah, sngewkhia ki Editor

Shillong, 1 Rymphang:
Namar ba ki don bun bah ki jingshah mudui mukotduma jong ki kotkhubor, kumta ki Editor jong ki kot khubor bapher, ki la kynduh ha Shillong, ha ki khyndiat sngi ba ladep, na ka bynta ban ia kren halor katei ka phang.
Ki Editor, ki la pynpaw ia ka jingsngew khia, ha kaba ki Editor bad ki Publisher, ki la shu shah khot hajir man ka por sha kashari, ha kiba bun ki khep bad kaba la buh jingeh, ba kin pyndep hok, ia la ka jong ka kam, kaba man ka sngi jongki, kum ki nongthoh kot khubor bad kaba la pyn long ia ki, ba kin bun kam, tang ban leit shah khot hajir sha ki kashari bapher bapher.
Halor kane ka phang, ki Editor, ki khot ia ki paidbah nongpule, ha ryngkat bad ki tnat sorkar ruh, ba haba ki shem ia kano kano ka jing bym biang, ha ka rukom thoh khubor, lane ba ki sngew diaw bad sngew pyrshah, ba kin phah ia ki jingpynshai jongki sha kito ki kotkhubor lane ba kin leit sha ka Press Council of India, na ka bynta ba kin ioh ia ki jingshisha kiba kham stet bad ban lait na ki jing ia leit kiew kashari ba man ka por.
Ka Meghalaya Editors and Publishers¡¯ Association (MEPA), ka pynsngew ruh ba kan iakren bad ki bor pyniaid jong ka Press Council of India, ba kin pynlong ia ki seminar bad kiwei de ki jingai jingmut, halor ki kyndon jong ki jingtreikam jong ka Council bad ki jingiadei bad ki lad ki lynt banweng ia ki jingeh jong ki kotkhubor nangne shakhmat.