Ba phong ia ka sopti ba khapngiah, siat iap ki Taliban, ia ka thei samla

Ka samla kynthei, ka la duh ei, ia la ka jong ka jingim, tang na ka daw, ba ka phong ki jain kiba khapngiah bad ba ka leit jingleit marwei hi.

Katei ka jingjia, ka dei ha Samar Qand, kaba hap ka jylla Balkh jong ka Afghanistan bad katei ka thei samla, ka la shah siat iap ha ki ehrang Taliban, kiba la synshar ia katei ka jylla, ong ka khubor jong ka Radio Azadi.

Katei ka samla briew, ka dei kaba 21 snem ka rta bad ka kyrteng jongka, ka dei ka Nazanin. La siat iap ia ka Nazanin, ha ka por, ba ka dang shu mih na iing, ban shong kali ban leit sha Mazar-e-Sharif. Ki pulit, ki iathuh ba katei ka briew, ka phong ia ka nurqa, kaba tap ia ka khmat bad ka met baroh shi rynieng.