Ba pakhang shnong, sangeh jingialang pynbeit pud:CS

Shillong, 19 Nailur:
Ia ka jingialang kaba la thmu ban pynlong lashai ka sngi ha Shillong ha pdeng u Chief Secretary ka jylla Meghalaya bad u Chief Secretary jong ka jylla Assam halor ka jingthmu ban pynbeit ia ka jing iakajia khappud hapdeng ka Assam bad ka Meg halaya la hap ban pyn sangeh noh namar ka jingkhot pakhang shnong jong ki sengbhalang.
Haba ki nongthoh khubor ki la buh jingkylli ia u Chief Secretary halor ka jingkam kaba iadei bad ka jingthmu ban iapynbeit ia ka jingiakajia pud hapdeng ka Assam bad ka Meghalaya, u Chief Secretary u la iathuh ba, ha ka jingshisha la pynbeit lashai ka sngi ban iakren hapdeng ki 2 ngut ki Chief Secretary, hynrei la hap ban pynsangeh noh na ka daw jong ka pakhang shnong.
Haba kylli, balei hap ban pynsangeh hato ki pulit ki biang ia ki bor pahara, u bah Pariat u la ong, lah eh ban pynbiang ia ki pulit pahara lada u Chief Secretary ka jylla Assam un wan ha Shillong, hynrei lada jia ei ei ha lynti shah kawang maw bad kiwei ki jingjia, ka jingkitkhlieh kan long ha ka sorkar jylla, kumta la pynsangeh noh shuwa u la bynrap.
Haba kylli lano yn buh tarik ban iakynduh biang halor kane ka kam, u bah Pariat u la iathuh ba ia mynta ym pat lah ban ong ei ei, hynrei yn sa peit bad buh tarik ha kawei pat ka por khamtam hadien ba la duna kine ki jingkhih, u la ong shuh shuh.