Ba lyngkrang u transformer, leit ujor ka HITO sha ka MeECL

Shillong:Ka Hynniewtrep Integrated Territorial Organization Sahsniang Area, myn hynnin ka sngi ka 15 tarik Jymmang 2023, hapoh ka jingialam u President, u Overfive Biam, ka la buh ia ka jingujor haka office jong Assistant Engineer ka MeECL Shangpung Distribution Division, hadien ba ka Seng, ka la lap ba katei ka ophis, ka la shu ieh lyngkrang ia u Transformer khlem ka jingker kaba biang ban iada na kino kino ki jingma kiba lah ban mih.

Na ka liang ka Seng, ka la kdew ba ka jingker ka long kaba don kam ba shngain ka iaid ka ieng ki nongshong shnong bad khamtam iaki khynnah rit kiba iaid lyngba kane ka jaka, la pynkut ka kyrwoh na u publicity secretary ka West Jaintia Hills, u samla Yomiki Passah.